Tim di Prekario ta kuminsá ku trabounan di preparashon pa pueblo di Kòrsou por registrá i paga Prekario pa Karnaval 2017.

Gobièrnu ta informá ku pa e aña akí e ofisina di Prekario lo ta situá den e edifisio di Servisio pa Planifikashon Urbano (Ruimtelijke Ordening en Planning- antes DROV) pegá ku e edifisio di Radio Hoyer, Plasa Horacio Hoyer #19. Por alkansá e tim di prekario na number di telefòn: 510-5461  i  511-3952 óf via di koreo elektróniko na prekariokorsou2017@gmail.com.

 

Nos orario di ofisina ta:

Djaluna pa djabièrnè : 8:00 a.m. – 6.00 p.m.

Djasabra : 8.00 a.m. – 4.00 p.m.

Djadumingu : 2.00 p.m – 6.00 p.m.

 

Personanan ku tabatin un pèrmit pa derechi di Prekario na 2016 por hasi nan pago  di Prekario den 2017 kuminsando for di 19 yanüari 2017 i repartiendo e fechanan di pago entre Sekshonnan A te ku D.  Dia 5 di febrüari ta e delaster dia pa hasi e pago di Prekario. Si paga después di e fecha akí personanan por pèrdè nan derecho di Prekario.

 

Registrashon i pago

Tene na kuenta ku nos no por hasi pago sin pasa na ofisina di Prekario i haña aprobashon serka e tim tokante  disponibilidat di e parsela. E registrashon ta enserá:

  • Konfirmá disponibilidat di parsela;
  • Rekonfirmá datos serka personal di Prekario 2017;
  • Tuma formulario pa por hasi e pago nesesario.

Skema di pago:
Pagonan mester tuma lugá konforme e skema athunto ku ta repartí den e sekshon nan A te ku D.

Sekshon Fecha di pago Lokalidat
Sekshon A 20 yanüari 2017 pa 22 yanüari 2017 Altura di Venezuela weg Mirla Plate weg
Sekshon B 23 yanüari 2017 pa 25 yanüari 2017 Mirla Plate weg Missouriweg
Sekshon C 26 yanüari 2017 pa 28 yanüari 2017 Missouriweg Charoweg
Sekshon D 29 yanüari 2017 pa 31 yanüari 2017 Charoweg Brionplein

 

Stènt òf Stèlazje

Personanan ku risibí pèrmit pa konstruí un Stènt òf Stèlazje riba ruta di Karnaval por inisiá ku esaki riba 11 febrüari 2017. Tur konstrukshon mester keda desmantelá pa 5 mart 2017 promé ku 3.00 PM. Tim di Prekario ke partisipá ku e aña akí no ta posibel pa tuma inskripshonnan nobo debí na falta di espasio riba e ruta.

 

Alabes tim di Prekario ta konfia ku apesar di e echo ku e temporada ta kòrtiku nos klientenan lo koperá ku e tim i lo komporta segun e reglanan di e ofisina di Servisio pa Planifikashon Urbano. Pa informashon adishonal por tuma kontakto ku nos libremente.

 

Tim di Prekario

Plasa Horasio Hoyer #19

T: 510-5461/511-9352

E: prekariokorsou2017@gmail.com

Leave a Reply

Your email address will not be published. Required fields are marked *