BAN REKORDÁ GEORGE WILLEMS I SU KANSIONAN MAS POPULAR

BAN REKORDÁ GEORGE WILLEMS SU KANSIONAN MAS POPULAR
En konekshon ku 10 aña di fayesimentu,di nos nos gran kantante internashonal George Willems, dia 24 di yaniwari awٕó, bordo di Freewinds, lo tin un show na su memoria. Dia 24 di yaniwari awó ta kumpli 10 aña ku nos gran amigu, ruman i artista, George Willems, a bai laga nos.   

 

E anochi èi su amigunan, Artista, manera:

Rignald Vidal, Reinier Lijfrock, José Villasmil i su ruman Ernest “Kèkè” Willems ta interpretá algun di e kansionnan mas popular di George. Huntu ku nan lo tèi tambe su amigu/ruman, for di Aruba, eskritor, intérprete, Jossie Brokke. Jossie lo habri e anochi ku kansionnan konsiderá komo un refleho di nan amistat. Òf manera George mes semper tabata bisa:” mi ruman Papichi”. E anochi èi tambe tin un artista nobo ku ta presentá pa promé bia riba esenario públiko, pa asina manera semper George tabata hasi, duna oportunidat na hóbennan tambe.

 

Pa e gran okashon aki nos a prepará tambe un orkesta, formá pa músikonan lokal i di Freewinds. Tur areglo ya ta kla; músikonan i interpretenan tambe ta kla pa tur hende e anochi èi, bordo di Freewinds, tin un anochi inolvidabel, rekordando nos artista ku a optené e premio internashonal prestigioso, Gaviota di Oro, durante e Festival Di Viña Del Mar, Argentina, ganando Peabo Bryson komo e mihó intérprete di e festival. Un logro ku a pone no George so, pero ku tambe a tira lus riba nos Kòrsou!

 

Karchinan pa e konsierto aki lo ta optenibel na Mensings Caminada na rason di 35 florin. E rekoudashon ta bai pa Prinses Wilhelmina Fonds, ku semper George tabata kla pa duna su aporte na dje, i dos koro, komo estímulo, pa loke semper ela deseá, esta pa nos tin mas gruponan koral. Lamentablemente destino a disidí otro i ela bai sin por mira kon esèi ta birando realidat i su deseo ta birando realidat.

Pa tur esnan ku ta interesá den e bunita sho aki, pa rekordá nos George Willems, un rekomendashon: kumpra bo karchi adelantá!

Karchinan ta limitá i no ta posibel kumpra karchi na porta.

 

Pa mas informashon por yama:

5217712 / 6820548

 

Silvana Willems-Trinidad

Leave a Reply

Your email address will not be published. Required fields are marked *